التحديثات
كل تحديث ووش فيه. التحديث يتثبّت من لوحة الأداة بزر "ثبّت التحديث"، وكل نظام يشوف تحديثاته بس.
الإصدار 1.7.0ماكويندوز
- اللوحة تسألك سؤال جديد: تسمح للأداة تدرس طريقة استخدامك للوحة (أي الأزرار تضغط وكم تاخذ كل مرحلة) عشان تصير أسهل؟ بدون تصاميمك ولا أسماء ملفاتك ولا الكلام اللي فيها
- كل أسبوع يوصل صاحب الأداة تقرير وين المستخدمين يتعطلون باللوحة واقتراحات تبسّطها، وكل يوم خطط إصلاح للأعطال المتكررة تنتظر موافقته
- مصروف Claude صار يتحسب بالتكلفة الحقيقية لكل استدعاء
الإصدار 1.6.2ماكويندوز
- بعد كل تحديث للأداة، دراسة الجهاز تتعاد لحالها، فالتقرير اللي يوصل لصاحب الأداة يكون بالأرقام الصح
- على الماك: عدد أنوية المعالج وسرعة الجهاز يتقاسون صح بالدراسة الجديدة
الإصدار 1.6.1ماكويندوز
- على Illustrator 2025 النصوص اللي ترتسم فكتور كانت تطلع داخل مربع بلون النص (وكذا محتوى الشعارات وعلامات الطباعة)، والحين تطلع حروف بس مثل باقي النسخ
- على Illustrator 2022 و 2026 ما تغيّر شي
- فحص نسخة Illustrator صار يكشف هالمشكلة عند أي مستخدم
الإصدار 1.6.0ماكويندوز
- الأداة صارت تفحص نسخة Illustrator اللي تشتغل فيها مرة وحدة (بعد إذن دراسة الجهاز): تجرّب كل ميزة تعتمد عليها على ملف تجربة صغير يتسكّر بدون حفظ، وملفاتك ما تتلمس
- النتيجة تطلع لك مع نتيجة دراسة الجهاز، وتوصل لصاحب الأداة عشان يعرف لو نسخة تختلف بشي يأثر على الجودة
- قياس سرعة الجهاز صار أدق، وعلى الماك عدد أنوية المعالج صار يتقرى صح
الإصدار 1.5.1ماكويندوز
- دراسة الجهاز (نزلت للماك بإصدار 1.5.0) صارت للويندوز كمان: اللوحة تسألك مرة وحدة، ولو سمحت تعرض لك وش لقت بجهازك، بدون تصاميمك ولا أسماء ملفاتك
- الأداة تشتغل بأنسب طريقة لجهازك، وبالويندوز إزالة خلفية النصوص تبقى على كرت الشاشة مثل قبل
- تنبيه باللوحة لو المساحة الفاضية بجهازك أقل من 20 جيجا
- على الماك ما تغيّر شي عن 1.5.0
الإصدار 1.5.0ماك
- اللوحة تسألك مرة وحدة: تسمح للأداة تدرس جهازك؟ لو سمحت تشوف المعالج والذاكرة وكرت الشاشة والمساحة ونسخ Illustrator وأخطاء الأداة (بدون تصاميمك ولا أسماء ملفاتك)، وتعرض لك وش لقت
- الأداة صارت تشتغل بأنسب طريقة لجهازك: مطابقة الخطوط تاخذ أنوية أكثر لو الذاكرة الفاضية تكفي، ورسم النصوص يصير بدفعات أصغر لو الجهاز بطيء
- لو المساحة الفاضية بجهازك أقل من 20 جيجا يطلع لك تنبيه باللوحة
- تقدر توقف دراسة الجهاز أو ترجعها من السطر الصغير تحت باللوحة
الإصدار 1.4.8ماكويندوز
- لما تضغط استنسخ النصوص تطلع شاشة تغطي اللوحة: وش خلص (مع نتيجته)، ووش تشتغل عليه الأداة ألحين، ووش باقي، والوقت
- الشاشة تنبّهك ما تسكّر الملف ولا تعدّل فيه وقت الشغل، ولو صار شي بالغلط (سكّرت الملف أو فتحت ملف ثاني أو عدّلت) الأداة ترجّع ملف التصميم وتكمل وتقول لك
- سؤال الدفع على تحسين العناوين صار داخل نفس الشاشة، بزر موافق وزر لا
الإصدار 1.4.7ماكويندوز
- بعد ما يخلص استنسخ النصوص المرحلة المجانية، لو فيه عناوين ما تطابقت مع الأصل يطلع لك سؤال: وش العناوين اللي بتتحسّن، وكم بتكلّف، ومصروفك هالأسبوع، وتختار توافق أو لا
- زر جديد ولّد العناوين يحسّن كل العناوين اللي باقية مرة وحدة (مثلاً لو رفضت أول مرة وبغيتها بعدين)
- العناوين اللاصقة ببعض تتحسّن مع بعض بصورة وحدة، فتدفع مرة وحدة عنها
الإصدار 1.4.6ماكويندوز
- لما يكون عنوانين لاصقين ببعض (مثل Potato فوق Ripples Crunch في Chilli)، ما عاد ياخذ واحد منهم جزء من حروف الثاني، فالحروف ما تطلع مكررة
الإصدار 1.4.5ماكويندوز
- العناوين اللي تتقص من التصميم صارت تترسم فكتور بكل ألوانها (الحشوة والحد والظل)، فتبقى حادة بأي تكبير بدل ما تتكسّر
- لو صندوق العنوان المقروء مزاح عن الحروف وانقص جزء من العنوان (مثل أسفل Potato في Sour Cream)، الأداة تكتشف هالشي لحالها وتصحّح الصندوق من الحروف نفسها وتعيد القص، والعناوين السليمة تبقى مثل ما هي
الإصدار 1.4.4ماكويندوز
- إزالة خلفية النصوص بالنموذج (اللي اتبنى على الويندوز) صارت تشتغل على الماك كمان. أول مرة ينزل النموذج، وبالماك أبطأ لأنه يشتغل على المعالج
- رسم النصوص فكتور صار على دفعات ويبيّن التقدّم، فما يوقف بالتصاميم الكبيرة
الإصدار 1.4.3ماكويندوز
- النص الطويل اللي مكانه بالقراءة مزاح (مثل عنوان المصنع وTel وEmail وWeb بعلبة الحليب) صار يتحط بمكانه الصحيح من السطور اللي قراها الماك
- السطر اللي يقطعه حد الصندوق (مثل رقم الهاتف) صار يترسم كامل، والسطر اللي يخص نص ثاني ما ينضم معه
- لون الحروف الحقيقي يتقاس صح حتى لو جنب النص أيقونات أو خطوط بلون ثاني
الإصدار 1.4.2ماكويندوز
- شعار المكتبة صار يطابق حجم الأصل بالشعار نفسه (مثل مستطيل المدهش الأحمر)، واللوح الأبيض اللي حواليه بالملف يطلع برا شوي
- النصوص اللي لونها بالقراءة غلط (مثل أرقام الهاتف والفاكس الزرقا بعلبة الحليب) ما عادت تختفي لما تترسم فكتور: الأداة تقيس لونها الحقيقي من الصورة
- الشريط الملوّن اللي جنب النص ما عاد يترسم مستطيل مع النص
الإصدار 1.4.1ماكويندوز
- قسم مكتبة الشعارات باللوحة: كل عميل تصنيف لحاله ينطوي، وتحته شعاراته بصورها (كل نسخة بالملف لحالها)
- زر أضف شعار لكل عميل: تختار ملف AI وينتسخ لمجلد العميل، والأصل يبقى مكانه
- زر أضف عميل وزر افتح المجلد
الإصدار 1.4.0ماكويندوز
- شعارات العملاء الثابتة (مثل المدهش وصنع في عُمان) تتحط من ملفاتها AI فكتور بمكانها، بدل ما تتقرى نصوص وتتولّد
- لو الشعار بالتصميم نسخة تختلف عن ملفك، الأداة تحط ملفك وتنبهك تراجعه
- النصوص اللي جزء من الشعار تختفي، وما يتولّد شي داخل الشعار (يوفّر المصروف)
- ملفات الشعارات بمجلد library داخل المشروع، كل عميل بمجلد
الإصدار 1.3.3ماكويندوز
- أول ما تفتح اللوحة يطلع فوق (جاري فحص التحديثات...) بدل ما يبقى المكان فاضي لين الأداة تجهز
- اللوحة تفحص التحديثات كل نص ساعة وهي مفتوحة، فما تحتاج تسكّرها وتفتحها عشان تشوف التحديث الجديد
الإصدار 1.3.2ماكويندوز
- المراجعة الذاتية ما تغيّر مقاس عنوان لو الفرق كبير بشكل غير منطقي، ولو صلّحت شي وما ثبت ترجّعه مثل ما كان (في Chilli كانت تكبّر Al Mudhish وتدوّره)
- العناوين اللي يرسمها ChatGPT صارت تاخذ ارتفاعها الطبيعي بذيولها وزخارفها، فما تطلع أصغر من الأصل (مثل Ripples Crunch)
الإصدار 1.3.1ماكويندوز
- لما يكون صندوق النص أقصر من سطوره (مثل الشارة الخضراء في Chilli)، السطر اللي كان ينقص من تحت أو فوق صار يرجع كامل بالفكتور
الإصدار 1.3.0ماكويندوز
- في ملفات الطباعة الكبيرة، النصوص الصغيرة (مثل كلام الشارات و Made in Oman) صارت تنقرا من قطعة مكبّرة من التصميم، فكلامها ولونها ومكانها صاروا صح
- مثال: شارة Chilli الخضراء كانت تنقرا (دون زيت مضاف) بالأخضر، الحين تنقرا (بدون ألوان اصطناعية أو مواد حافظة) بالأبيض مثل الأصل
الإصدار 1.2.1ماكويندوز
- الخلفية في ملفات الطباعة صارت داخل التصميم المطبوع بس، ما تغطي الإطار الرمادي وفتحات التعليق
- العناوين الكبيرة في الواجهة الأمامية صارت تتولّد حتى لو لها نسخة في ظهر الكيس
- الحروف والكلمات اللي كانت تنقص من أطراف النصوص بالفكتور (مثل A في Al Mudhish و24 فوق) صارت كاملة
- العناوين اللي يرسمها ChatGPT صارت بمقاسها الصحيح بدل ما تطلع أصغر
- المراجعة الذاتية ما تغيّر مقاس عنوان إلا لو هي متأكدة من القياس، والعنوان ما يتكرر مرتين في ظهر الكيس
الإصدار 1.2.0ماكويندوز
- العناوين اللي يولّدها ChatGPT (مثل CORN PUFFS) صارت فكتور بدل صورة، وشبه مطابقة للصورة المولّدة
- النص الأبيض على شريط ملوّن (مثل CHILLI FLAVOUR) صار يرتسم صح بحروفه البيضاء
- المراجعة الذاتية لما تصلّح الخلفية خلف نص، تكمّل تصميم الخلفية نفسه بدل ما ترسم مربع خلفه
الإصدار 1.1.1ماكويندوز
- زر "ثبّت التحديث" صار يشتغل (كان يرفض رقم الإصدار)
الإصدار 1.1.0ماكويندوز
- قبل ما يرتسم أي نص فكتور، الأداة تفحص: لو الخط اللي لقته هو نفس خط التصميم فعلاً، النص يبقى بخطه (حاد وقابل للتعديل) بدل ما يرتسم
- النصوص اللي ترتسم فكتور صارت حوافها ناعمة وبوزن حروف الأصل، بدل الحواف المدرّجة والحروف النحيفة
- صفوف الجدول والنصوص اللي من نفس المجموعة صارت بوزن خط واحد مثل الأصل
- نقط الخلفية الصغيرة (مثل الفلفل جنب النص) ما عادت ترتسم مع الحروف
الإصدار 1.0.0ماكويندوز
- الأداة صارت ثابتة: اللي تشتغل عليه ما يتغيّر وأنا أطوّر، وكل تحديث يطلع لك هنا بوصفه وتثبّته بضغطة
- النصوص ترتسم فكتور من الصورة الأصلية نفسها، والنص اللي خطه طلع نفس خط التصميم يبقى بخطه (أحد وقابل للتعديل)
- علامات ملف الطباعة (الإطار، فتحات التعليق، خطوط الطي، المقاسات) بطبقة لحالها، والظهر المقلوب ينتسخ من الواجهة
- المراجعة الذاتية: الأداة تقارن اللي بنته بالأصل وتصلّح العناوين المولّدة والخلفية